*Flash! Flash! Flash!*
*Mesaj pou anseyan ak otorite nan Leta a*
Lèn konsidere lè yo te apèn ajiste salè anseyan to enflasyon te 11.20% dola ameriken an te 69 goud. Pwof primè te touche 7 dola ameriken pa jou jodia li pase a 4 dola ameriken pa jou.Pwof segondè te touche 13.52 dola ameriken Pa jou jodia li pase a 8 dola ameriken pa jou akoz dola a pase a 114 goud
Lèn konsidere Tout otorite leta yo si se pat devan yon pwofesè yo te pase se ranni yo tap ranni yo pa tap ka pale byen.
Lèn konsidere ke se pa nan pak zannimo otorite yo te pase men se lekol devan pwofesè.
Lèn konsidere to enflasyon an ki plis pase 29 %
Lèn konsidere dola a ki pa sispann monte (114g)
Lè konsidere lavi chè a.
Lè n konsidere move kondisyon travay anseyan ak kantite depans yap fè pou peye transpò.
Lèn konsidere pri transpò yo monte ak pri tout pwodui poutan yo pa janm revize salè anseyan yo
Lè n konsidere pitans yo bay abseyan yo ki vini chak 45 jou
Lè n konsidere mepri leta anvè pwofesè poutan se pa bèt ki te fòme yo.
Lèn konsidere kantite lajan Kap gagote nan MENFP pou satisfè patwon pou yo ka konsève djob.
Lèn konsidere nan Pak nasyonal edikasyon MENFP te sinye nan lane 2011 bidjè edikasyon kote griy salaryal 50 000 goud kòm salè de baz tap antre an aplikasyon
Lèn konsidere polisye jwenn ajisteman paske se yo ki gen zam pou fè represyon ak eleksyon.
Lèn konsidere 10 lise Referans gouvènman sa a te pwomèt pèp la ak lajan palman ki pa janm fèt.
Lèn konsidere gouvènman an gen plan pou kraze lekol pèp la pou kenbe pitit pèp la analfabèt pou se pitit pa yo ki nan peyi etranje ka toujou vin dirije nou.
Lèn konsidere kantite anseyan ki gen lèt ki pa ka touche ak sa ki nan klas ki poko nome.
Lèn konsidere sibvansyon yo tap bay lekol prive ki tounen yon blòf.
Lèn konsidere enjistis sosyal la ki enòm anpil kote yo kenbe anseyan nan kras epi yap mande èd sou do yo.
Teni kont de Atik 35.5 nan konstitisyon an ki di:Tout anseyan dwe gen yon salè ki jis
Teni kont salè anseyan ki pa jis paske li pa janm ajiste an fonksyon de kou lavi a.
Anseyan deside, nan tout nivo nan leta a, pap gen lekòl, pap gen egzamen bakaloreya, si leta pa bay ajisteman menm jan li bay polisye yo.
Anseyan egzije yo peye yo chak fen mwa, zafè chak 45 jou a yo pa ladanl ankò.
Yo egzije avantaj sosyal, aksè a bon kredi.
Anseyan mande bon kondisyon travay nan lekòl yo ak aplikasyon griy salaryal ak yon salè de baz 75 000 goud.
Anseyan mande materyèl nan lekòl yo paske lekòl pa fèt ak zong.
Anseyan reklame kafeterya nan lekol yo paske moun grangou pa nan kondisyon pou aprann
Yo mande nominasyon tout etidyan ki fin fè Lekòl Nòmal oubyen lòt fakilte ki bay bon fòmasyon sou fè lekòl, sistèm nan bezwen ranfòse.
Yo mande fòmasyon kontini pou tout moun nan sistèm nan, sa k ap pèmèt yo pi pwodiktif ak plis efikas
Si gen pou youn, dwe gen pou tout !
Pwofesè sispann fè sanblan yap byen viv poutan yo pap touche anyen, leve kanpe pou pou defann dwa ak pou defann sa nou kwè. Pyès pwofesè pa dwe antre nan klas nan tout peyi a san ogmantasyon salè 60% plis ti kat debi a .Pap gen mouvman mòde lage, pap gen pitye pandan pèsòn pa pran pitye pou anseyan, pap gen lekòl pyès kote si salè pwatrinè sa a kenbe paske se pa polisye yo sèlman ki bezwen ajisteman, to enflasyon rive sou tout moun.
Ane fiskal sa ap fini an septanm, leta dwe soti yon nouvo bidjè pou nouvo egzèsis la pandan l ap pran an konsiderasyon revandikasyon pwofesè yo. San ajisteman sa, tout paran, kenbe timoun yo lakay yo, pòt tout lekòl ap fèmen. Fwa sa anseyan pap moli, pap gen kanpe nan wout, pap gen fo pwomès, tout tan pa gen ajisteman ak salè de baz 75 000 goud la.
N.B Ane fiskal sa a pral fini an septanm si anseyan pa lite pou yo pran ka yo nan nouvo bidjè kap antre an aplikasyon an Oktob ,si anseyan rete nan kwaze bra ebyen gouvènman sa a ap fini yo pap jwenn anyen se wòch yo pral manje.Se depi kounyea pou anseyan komanse revòlte nan tout peyi a
Anseyan Manche ponyèt nou pou nou di non ak Enjistis sosyal paske se pa nan pak zannimo otorite yo te fòme men se anseyan ki te fòme.
Yo pa bay libète se pran yo pran libète!
Pa gade estati chak moun genyen paske esklav yo pat teni kont de esklav talan, esklav domestik,esklav jaden men yo te fè inyon pou yo defann enterè komen an ki se libète. Mete ti enterè mesken sou kote operasyon pote boure.
Si polisye yo pat entelijan yo pa tap jwenn anyen fok anseyan entelijan tou.
Bon konba nan tout peyi a
