KONFERANS POU LAPRES NOULHA – REJYON PALM

RAPÒ KONFERANS POU LAPRES NOULHA – REJYON PALM

Dat: Dimanch 19 Oktòb 2025

Kote: Rejyon Palm (Léogâne, Gressier, Grand-Goâve, Petit-Goâve)

Òganizatè: NOULHA – Nouvelle Orientation Unifiée pour Libérer Hayiti.

Objektif Konferans lan

Jodi a, Dimanch 19 Oktòb 2025, òganizasyon NOULHA nan Rejyon Palm lan sou direksyon kodonatè Jean Robert JEAN BAPTISTE pou Rejyon an te òganize yon gwo konferans pou laprès, avèk patisipasyon reprezantan kominote yo, jèn lidè, ak plizyè sektè sosyal ak relijye nan zòn nan.

Konferans sa te fèt pou bay soutyen piblik ak pote klè sou atak ak difamasyon k ap fèt dènyèman kont plizyè gwo pèsonalite nan Leta ayisyen.

Pwen prensipal konferans lan

Soutyen total pou Dr. Sinal Bertrand

NOULHA fè konnen li kanpe fèm dèyè Minis Sante Piblik ak Popilasyon, Dr. Sinal Bertrand, yon sitwayen ki montre kapasite, efikasite ak devouman nan misyon li pou amelyore sistèm sante piblik peyi a.

Òganizasyon an denonse tout akizasyon manti k ap chèche sal non Minis la. Yo fè konnen Dr. Bertrand ap travay san pran souf pou amelyore sèvis lopital yo, ranfòse aksè a swen medikal nan tout depatman yo, epi soutni moun ki plis vilnerab yo.

Defans pou CP Doktè Louis Gérard Gilles

NOULHA rejeté avèk fòs tout tantativ difamasyon k ap fèt kont CP Doktè Louis Gérard Gilles, yon nonm ki toujou kanpe pou diyite, entegrite ak sèvis piblik.

Òganizasyon an raple ke Dr. Gilles se youn nan senpati Leta ki toujou defann enterè pèp ayisyen an, epi li merite respè, pa atak politik ni manti.

Soutyen pou DG CAN, Mèt Renand Aristide

Pandan konferans lan, plizyè oratè te pale tou pou denonse atak k ap fèt sou Direktè Jeneral CAN, Mèt Renand Aristide, yon pwofesyonèl serye ki ap travay pou netwaye ak modènize enstitisyon an.

NOULHA mande tout sitwayen ak tout jèn nan rejyon an pou pa kite manipilasyon politik detounen yo de reyalite travay ki fèt sou teren.

Mesaj final

NOULHA voye yon apèl inite bay tout pitit peyi a:

“Nou pap aksepte okenn moun sal imaj moun k ap travay pou byennèt pèp la. Nou kanpe pou verite, pou respè, ak pou diyite.”

Òganizasyon an di li pap rete an silans devan enjistis ak manti, epi li pwomèt pou kontinye veye sou enterè nasyonal la pandan li soutni moun ki mete tèt yo pou sèvi peyi a ak onètete.

Repotaj TOP NOUVEL LAKAY